Երևանն ու Աստանան փոխանակվել են շնորհավորական ուղերձներով

03 սեպտեմբերի, 2024

Հայաստանի Հանրապետության և Ղազախստանի Հանրապետության միջև բարեկամության ու համագործակցության մասին պայմանագրի ստորագրման 25-ամյակի կապակցությամբ 2024թ․ սեպտեմբերի 2-ին Հայաստանի և Ղազախստանի արտաքին քաղաքական գերատեսչություններում կայացել են համապատասխան միջոցառումներ։

Մասնավորապես, կայացել է Ղազախստանի Հանրապետության արտաքին գործերի նախարարի տեղակալ Երմուխամբետ Կոնուսպաևի հանդիպումը Ղազախստանի Հանրապետությունում Հայաստանի Հանրապետության արտակարգ և լիազոր դեսպան Արմեն Ղևոնդյանի հետ։ Հայաստանի Հանրապետության արտաքին գործերի նախարարի տեղակալ Մնացական Սաֆարյանն ընդունել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևին։

Բարեկամության և համագործակցության հայ-ղազախստանյան պայմանագրի ստորագրման հոբելյանի կապակցությամբ, անցկացրած հանդիպումների ընթացքում կայացել է պետությունների առաջնորդների և արտաքին գործերի նախարարների շնորհավորական ուղերձների փոխանակում։ Երկուստեք նշվել է, որ անցած ժամանակահատվածում ձևավորվել է միջպետական համագործակցության արդյունավետ մոդել, Հայաստանն ու Ղազախստանն ապահովում են ակտիվ քաղաքական երկխոսություն բոլոր մակարդակներում, տարեց տարի խորանում է առևտրատնտեսական գործընկերությունն, ընդլայնվում են մշակութային-հումանիտար համագործակցության շրջանակները։

Հանդիպումների արդյունքներով վերահաստատվել է կառուցողական երկխոսության և փոխըմբռնման վրա հիմնված երկկողմ փոխգործակցության հետագա առաջմղման մասով փոխադարձ շահագրգռվածությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր